Uxía obtivo o premio á Mellor Canción en Lingua Galega na XIII edición dos Premios da Música. A Academia de las Artes y de las Ciencias de la Música, organizadora dos premios, deu a coñecer hoxe os nomes dos gañadores nun acto realizado na sala Taboó de Madrid. As compoñentes do grupo Dover foron as encargadas de comunicar os gañadores de 2009, que recibirán os premios na cerimonia de entrega que terá lugar o vindeiro 12 de marzo no Palacio de Congresos Manuel Rojas de Badaxoz.

Uxía acadou o Premio á Mellor Canción en Galego con Rumores de Falúas, unha balada con letra de Uxía e música do novo compositor galego, Hector Lorenzo, que nos remite a aqueles primeiros amores de verán na praia.

Rumores de Falúas pertence ao último álbum de Uxía, Eterno Navegar, un disco que ten recibido unha excepcional acollida por parte do público e dos medios de comunicación, a crítica especializada sitúao entre as gravacións máis emocionantes e exquisitas deste ano.

Rumores de Falúas
Uxía: letra
Héctor Lorenzo: música
Paulo Borges: piano
Marco Santos: batería
Mássimo Cavalli: contrabaixo
Davide Zaccaría: cello
Mário Delgado: dobro

http://www.uxia.net/temas/rumores-de-faluas.html

http://www.premiosdelamusica.com/home/index.php

Crítica Ípsilon por Nuno Pacheco

Por via dos Cantos na Maré, que em Dezembro levaram à Galiza músicos como Sérgio Godinho, Waldemar Bastos ou Paulinho Moska, a cantora galega Uxía Senlle tornou-se, ela mesma, uma placa giratória viva de culturas e sonoridades. Este seu novo disco, gravado em Sintra, com arranjos e direcção musical de Paulo Borges, é disso o mais eloquente espelho. O elenco de participações é vastíssimo: Jon Luz, Sara Tavares, Paulo de Carvalho, Manecas Costa, Tito Paris, Eneida Marta, João Afonso, Júlio Pereira, Ugia Pedreira, Luanda Cozetti, Zeca Medeiros, Xavier Diaz, Yuri Daniel ou Mário Delgado, além de um coro excepcional de quase 30 vozes onde, para cantar “A lira” açoriana, também participaram Filipa Pais, Ana Firmino, Amélia Muge, Maria Anadon, Suzana Coelho, Margarida Antunes (do Cramol), Sérgio Godinho ou Rui Veloso. Assim visto, é quase um congresso de músicos, mas Uxía procurou tirar destas participações muito mais do que o nome. Faixa a faixa isso sente-se, com a mescla de sugestões musicais, harmonias e ritmos que, nalguns casos, chega a ser surpreendente. O canto de Uxía, aqui com incursões nos territórios do tango, da morna ou do fado, aligeirou a sua antiga força telúrica e adocicou-se neste “mainstream” de mundos, mas não perdeu as colorações que fazem dela uma das maiores cantoras galegas da actualidade.

Uxía foi elixida finalista dos premios da Música 2009 no apartado de mellor canción en Galego co tema “Rumores de Falúas”.
O dito acto foi celebrado simultáneamente en Badaxoz, Barcelona e Madrid, e está organizado pola Academia das Artes e das Ciencias da Música en colaboración coa Consejería de Cultura y Turismo da Junta de Extremadura. A gala de entrega de galardóns terá lugar o 12 de marzo no Palacio de Congresos Manuel Rojas de Badaxoz.

Podedes consultar toda a actualidade sobre os premios en
http://www.premiosdelamusica.com/home/index.php

O ciclo Música con Raíces contará coa actuación de Uxía, que presentará Eterno Navegar mañá, 5 de febreiro, ás 21.00 h, no Teatro Rosalía de Castro da Coruña.

Música con Raíces pretende amosar ao público propostas chegadas de diferentes partes do mundo. Uxía comparte este ciclo con artistas como Joan Manuel Serrat, Omara Portuondo, Lila Downs ou María de Medeiros, todos eles con gran repercusión musical no ámbito internacional.

Uxía, acompañada polo acordeonista Santiago Cribeiro, o contrabaixista de jazz Xacobe Martínez Antelo e o percusionista Quiné, ofrécenos unha nova sonoridade atlántica a través da música dos territorios da fala lusófona.

O son e arranxos de Paulo Borges, (director musical do festival internacional da Lusofonía, Cantos na Maré) a voz de Uxía e o traballo conxunto dos músicos visten de elegancia o repertorio de Eterno Navegar e conseguen que o seu directo transmita a forza deste disco.

Eterno Navegar (Harmonía Mundi 2008), é xa un referente para os críticos musicais, que o sitúan entre as gravacións máis emocionantes e exquisitas deste ano. Logo da presentación en distintas cidades, o disco continúa a sorprender ao público e aos medios nacionais e internacionais.

Banda
Paulo Borges |Açores| piano e dirección musical Teatro Rosalía de Castro
Quiné |Portugal| batería e percusións Ciclo Música con Raíces
Xacobe Martinez | Galiza| contrabaixo 5 de febreiro, 21.00 h
Santi Cribeiro |Galiza| acordeón A Coruña

Entradas: de 6 a 13 euros.
Na Billeteira da Praza de Ourense, www.caixanova.es e no teléfono 902 504500